Ausgraimt und wiider zuagnäht
Pankreas, Zwelffingerdarm
Gallablôs und zwoi Drittl Maga
Vielleicht in Schbiridus edz
- wär woiß -
in der Unifersidätsglinik
z Diibinga
A anders Schduck von mir
an Baggazah
isch z Naharia
in Galiläa bliiba
A Kind liegt
in Bolanda auf de Fildra
unterm Gras
Schdandesamtlich
hôt s koin Nama
Hoiße solla
hett s Karolin
An Blinddarm hett
i no und meine Mandla
oder mein Grind
im Fall, daß ma s
amôl wiider
mit am Guillotiniira hôt
in diesem unserem Lande