En meim Garde schafft Methan
en Zwiebel wirft sich aus dr Schaal
vom Gaddr bladdert Rooseroschd
ond kriemelt sich ens Beet
Miad vom Lange-Schadde-Verpflanze
leend am Deerle dr Schbaade
rengsom Äschd vor grauer Wuchd
ond oba wandred blaue Flecka
En Kesselflicker onderwegs
siehd mee als onserois vom Hemml
Des zwengt oims Aug zom Boode
uffs Weegle Laub ond Graas
uff Hand ond Fuaß ond ihn -
dann fallds oim widdr ei:
schreib mr joh koi lichdgedichd
weiß schreibd bloß dr beesewichd
derweil wirds au scho Nachd
Ond middedren em Schderngewimml
geigd dr kupfergroschne Mond
alde Trauerländler -
jetzd riasled donggle Kleng
durchs Wolkemoll mit Silberrand
ond en meim Garde
fungglds wild